କେମିତି ଦୁର୍ଘଟଣାଗ୍ରସ୍ତ ହେଲା ଅଜିତ ପାଓ୍ବାରଙ୍କ ବିମାନ? ଦୁର୍ଘଟଣାର କାରଣ ବୈଷୟିକ ତ୍ରୁଟି ନା କୌଣସି ଷଡ଼ଯନ୍ତ୍ର? ଆସନ୍ତା ମାସରେ ଜିଲ୍ଲା ପରିଷଦ ନିର୍ବାଚନ ଥିବା ବେଳେ ଏଭଳି ପ୍ରଶ୍ନ ଉଠିବା ସ୍ବାଭାବିକ? ଅନେକ ବୋଲଡ ନିଷ୍ପତ୍ତି ନେଇ ରାଜନୀତିରେ ସଫଳତା ଓ ରାଜ୍ୟ ସରକାରରେ କ୍ଷମତା ଉପଭୋଗ କରୁଥିଲେ ଅଜିତ ପାଓ୍ବାର । ଏମିତିରେ କିଏ ଥିଲା ତାଙ୍କ ଶତ୍ରୁ । ଏହା ଦୁର୍ଘଟଣା ନା ହତ୍ୟା ଷଡ଼ଯନ୍ତ୍ର? ତାହାକୁ ନେଇ ରାଜ୍ୟ ରାଜନୀତିରେ ଚର୍ଚ୍ଚା ସରଗରମ ହୋଇଛି । ମାତ୍ର ଅଜିତ ପାଓ୍ବାରଙ୍କ ମୃତ୍ୟୁ ଖବର ପାଇବା ପରେପରେ ତୁରନ୍ତ ଏକ ପବ୍ଲିକ ବୟାନରେ ତାଙ୍କ ଦାଦା ତଥା ଏନସିପି(ଏସପି)ର ମୁଖ୍ୟ ସରଦ ପାଓ୍ବାର, ହତ୍ୟା ଷଡ଼ଯନ୍ତ୍ରର ଆଶଙ୍କାକୁ ଅସ୍ବୀକାର କରିଛନ୍ତି । ଏହା ସମ୍ପୂର୍ଣ୍ଣ ଭାବେ ଏକ ଦୁର୍ଘଟଣା ବୋଲି ସେ ଦୃଢୋକ୍ତିର ସହିତ କହିଛନ୍ତି । ମାତ୍ର ସନ୍ଧ୍ୟା ସୁଦ୍ଧା ମିଳିଥିବା ଏକ ଖବର ଏହି ବିମାନ ଦୁର୍ଘଟଣାକୁ ନେଇ ଅନେକ ପ୍ରଶ୍ନବାଚୀ ସୃଷ୍ଟି କରିଛି । କରଣ ବାରାମତି ବିମାନବନ୍ଦର ସ୍ଥିତ ଏଟିସିରୁ ମିଳିଥିବା ସୂଚନା ଅନୁସାରେ, କ୍ଲିଅର ସିଗନାଲ ମିଳିବାର ଏକ ମିନିଟ ପରେ ହିଁ ଅଜିତ ପାଓ୍ବାରଙ୍କ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା ।
