ଉପରାଷ୍ଟ୍ରପତି ନିର୍ବାଚନ ପାଇଁ ମହାରାଷ୍ଟ୍ର ରାଜ୍ୟପାଳ ସିପି ରାଧାକୃଷ୍ଣନଙ୍କୁ ଆନୁଷ୍ଠାନିକ ଭାବରେ ନିଜର ପ୍ରାର୍ଥୀ ଘୋଷଣା କରିଛି ଏନଡିଏ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଦଳର ସଂସଦୀୟ ବୋର୍ଡ ବୈଠକ ପରେ ଏକ ସାମ୍ବାଦିକ ସମ୍ମିଳନୀରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ରାଧାକୃଷ୍ଣନଙ୍କୁ ଏନଡିଏର ପ୍ରାର୍ଥୀ ଘୋଷଣା କରିଥିଲେ।
ଜଗଦୀପ ଧନଖର ତାଙ୍କ ସ୍ୱାସ୍ଥ୍ୟ ଏବଂ ଡାକ୍ତରୀ ପରାମର୍ଶକୁ ଉଦ୍ଧୃତ କରି ଜୁଲାଇ 21 ତାରିଖ ସନ୍ଧ୍ୟାରେ ହଠାତ୍ ପଦରୁ ଇସ୍ତଫା ଦେଇଥିଲେ । ଏଣୁ ସେପ୍ଟେମ୍ବର 9 ଉପରାଷ୍ଟ୍ରପତି ନିର୍ବାଚନ ହେବ ।
ନଡ୍ଡା କହିଛନ୍ତି ଯେ ସରକାର ଘୋଷଣା କରିବା ପୂର୍ବରୁ ସମସ୍ତ ଏନଡିଏ ସହଯୋଗୀଙ୍କ ସହ କଥା ହୋଇଛନ୍ତି ।
ଏନଡିଏ ସହଯୋଗୀମାନେ ଉପରାଷ୍ଟ୍ରପତି ପ୍ରାର୍ଥୀଙ୍କୁ ଖୋଲା ସମର୍ଥନ ଦେଇଛନ୍ତି। ସୂତ୍ର ଅନୁସାରେ କେନ୍ଦ୍ର ମନ୍ତ୍ରୀ ରାଜନାଥ ସିଂହ, ଅମିତ ଶାହ, ଜେପି ନଡ୍ଡା ଏବଂ କିରେନ ରିଜିଜୁ ପ୍ରାର୍ଥୀଙ୍କ ଉପରେ ସହମତି ସୃଷ୍ଟି କରିବା ପାଇଁ ସୋମବାରଠାରୁ ବିରୋଧୀ ନେତାଙ୍କ ସହ ଯୋଗାଯୋଗ ଆରମ୍ଭ କରିବେ।
ଏନଡିଏର ଉପରାଷ୍ଟ୍ରପତି ପ୍ରାର୍ଥୀ ସିପି ରାଧାକୃଷ୍ଣନ୍ କିଏ, ଆସନ୍ତୁ ଦେଖିବା …
୧୯୫୭ ମସିହାରେ ତାମିଲନାଡୁର ତିରୁପ୍ପୁରରେ ଜନ୍ମଗ୍ରହଣ କରିଥିଲେ ସିପି ରାଧାକୃଷ୍ଣନ୍
ବର୍ତ୍ତମାନର ମହାରାଷ୍ଟ୍ର ରାଜ୍ୟପାଳ (ଜୁଲାଇ ୨୦୨୪ ଠାରୁ)
ଝାଡ଼ଖଣ୍ଡର ପୂର୍ବତନ ରାଜ୍ୟପାଳ (୨୦୨୩)
ଆରଏସଏସ ପୃଷ୍ଠଭୂମି ଅଛି
ତାମିଲନାଡୁର ପୂର୍ବତନ ବିଜେପି ଅଧ୍ୟକ୍ଷ (୨୦୦୪-୨୦୦୭), ୯୩ ଦିନିଆ ରାଜ୍ୟବ୍ୟାପୀ ଯାତ୍ରା କରିଥିଲେ
କୋଏମ୍ବାଟୁରରୁ ଦୁଇଥର ଲୋକସଭାକୁ ନିର୍ବାଚିତ (୧୯୯୮ ଏବଂ ୧୯୯୯)
ବିଜେପି କେରଳର ଦାୟିତ୍ୱରେ (୨୦୨୦-୨୨), ବିଜେପି ଜାତୀୟ କାର୍ଯ୍ୟକାରିଣୀର ସଦସ୍ୟ
୨୦୧୪ରେ ତାଇୱାନ ଗସ୍ତ କରିଥିବା ପ୍ରଥମ ସାଂସଦଙ୍କ ମଧ୍ୟରେ ସେ ଥିଲେ
୨୦୦୩ ମସିହାରେ ମିଳିତ ଜାତିସଂଘ ସାଧାରଣ ସଭାକୁ ମଧ୍ୟ ସମ୍ବୋଧିତ କରିଥିଲେ
କାୟାର ବୋର୍ଡର ଅଧ୍ୟକ୍ଷ (୨୦୧୬-୨୦୨୦) ଏବଂ ଭାରତର କାୟାର ରପ୍ତାନିକୁ ବୃଦ୍ଧି କରିଥିଲେ
ତୃଣମୂଳ ସଙ୍ଗଠକ ଭାବରେ ଜଣାଶୁଣା, ତାମିଲନାଡୁ ବିଜେପିରେ ତାଙ୍କର ଏକ ସଫା ପ୍ରତିଛବି ଅଛି
କେନ୍ଦ୍ରମନ୍ତ୍ରୀ ଏବଂ ହିନ୍ଦୁସ୍ତାନୀ ଆୱାମ ମୋର୍ଚ୍ଚା ନେତା ଜିତନ ରାମ ମାଞ୍ଝି X ରେ କହିଛନ୍ତି, “ଆମେ ଉପରାଷ୍ଟ୍ରପତି ପାଇଁ NDA ପ୍ରାର୍ଥୀ ସି.ପି. ରାଧାକୃଷ୍ଣନଙ୍କୁ ପୂର୍ଣ୍ଣ ସମର୍ଥନ କରୁଛୁ। ଆମେ ରାସ୍ତାରୁ ସଂସଦ ପର୍ଯ୍ୟନ୍ତ NDA ସହିତ ଛିଡ଼ା ହୋଇଛୁ।”
ନିର୍ବାଚନ କମିଶନ ସେପ୍ଟେମ୍ବର 9 କୁ ଉପରାଷ୍ଟ୍ରପତି ନିର୍ବାଚନ ପାଇଁ ତାରିଖ ଭାବରେ ସୂଚିତ କରିଥିଲେ, ଅଗଷ୍ଟ 21 ନାମାଙ୍କନ ଦାଖଲର ଶେଷ ତାରିଖ ଥିଲା।
