Epstein Filesର ପ୍ରଥମ ଶିକାର: କିଙ୍ଗ୍‌ ଚାର୍ଲସ ତୃତୀୟଙ୍କ ଭାଇ ଆଣ୍ଡ୍ରୁ ଗିରଫ

ସାରା ବିଶ୍ବକୁ ସ୍ତବ୍ଧ କରିଦେଇଥିବା ବହୁ ଚର୍ଚ୍ଚିତ ଏପଷ୍ଟାଇନ ଫାଇଲ୍ସର ପ୍ରଥମ ଶିକାର ହୋଇଛନ୍ତି ବ୍ରିଟେନ ରାଜା ଚାର୍ଲ୍ସ ତୃତୀୟଙ୍କ ଭାଇ ତଥା ପୂର୍ବତନ ରାଜକୁମାର ଆଣ୍ଡ୍ରୁ ମାଉଣ୍ଟବ୍ୟାଟେନ-ୱିଣ୍ଡସରଙ୍କୁ ଗିରଫ କରାଯାଇଛି । ବ୍ୟବସାୟୀ ଏବଂ ଯୌନ ଅପରାଧୀ ଜେଫ୍ରି ଏପଷ୍ଟାଇନଙ୍କ ସହ ସମ୍ପର୍କକ ନେଇ ତଦନ୍ତ ଭିତରେ ସରକାରୀ କାର୍ଯ୍ୟାଳୟରେ ଅସଦାଚରଣ ସନ୍ଦେହରେ ଗିରଫ କରାଯାଇଛି।

ଥେମସ୍ ଭ୍ୟାଲି ପୋଲିସ ଅନୁସରେ ୟୁକେର ପୂର୍ବତନ ରାଜକୁମାର 2010 ମସିହାରେ ଦୋଷୀ ସାବ୍ୟସ୍ତ ଯୌନ ଅପରାଧୀ ଜେଫ୍ରି ଏପଷ୍ଟାଇନଙ୍କୁ ବାଣିଜ୍ୟ ରିପୋର୍ଟ ପଠାଇଥିବା ଆଶଙ୍କା କରାଯାଉଛି।  ସେପଟେ ବ୍ରିଟିଶ ପ୍ରଧାନମନ୍ତ୍ରୀ କୀର ଷ୍ଟାରମର କହିଛନ୍ତି ଯେ ଆଣ୍ଡ୍ରୁ ଆଇନର ଊର୍ଦ୍ଧ୍ୱରେ ନୁହନ୍ତି  । ଏଥିସହ ସେ ତାଙ୍କର ପୂର୍ବ ବୟାନକୁ ଦୋହରାଇ କହିଛନ୍ତି ଯେ ସେ ଏପଷ୍ଟାଇନଙ୍କ ସହ ତାଙ୍କ ସମ୍ପର୍କ ବିଷୟରେ ଆମେରିକୀୟ କଂଗ୍ରେସ ସମ୍ମୁଖରେ ସାକ୍ଷ୍ୟ ଦେବେ।

ଏପଷ୍ଟାଇନ ମାମଲା କ’ଣ?

ବାସ୍ତବରେ ଆମେରିକୀୟ ବ୍ୟବସାୟୀ ଓ ଦୋଷୀ ସାବ୍ୟସ୍ତ ଯୌନ ଅପରାଧୀ ଜେଫ୍ରି ଏପଷ୍ଟାଇନଙ୍କୁ ୨୦୧୯ରେ ଗିରଫ କରାଯାଇଥିଲା ।  ପରେ ଜେଲରେ ତାଙ୍କ ମୃତଦେହ ମିଳିଥିଲେ। ତାଙ୍କର ଜଘନ୍ୟ ଅପରାଧରେ ବହୁ ଉଚ୍ଚ ପଦସ୍ଥ ଓ ପ୍ରଭାବଶାଳୀ ବ୍ୟକ୍ତିମାନଙ୍କ ସମ୍ପୃକ୍ତି ଥିବା ନେଇ ଅଭିଯୋଗ ଉଠିବା ପରେ ତଦନ୍ତ ହୋଇଥିଲା।

ଏହି ବିବାଦରେ Prince Andrewଙ୍କ ନାମ ମଧ୍ୟ ଆସିଥିଲା। ତାଙ୍କ ବିରୋଧରେ ଯୌନ ଅସଦାଚରଣ ଅଭିଯୋଗ ଆସିଥିଲା  । କିନ୍ତୁ ଅଭିଯୋଗକୁ ସେ ଅସ୍ୱୀକାର କରିଥିଲେ। ପରେ 2022 ମସିହାରେ ସେ ଆମେରିକାରେ ହୋଇଥିବା ସିଭିଲ ମାମଲାକୁ କୋର୍ଟ ବାହାରେ ସମାଧାନ କରିଥିଲେ। ସେ ୟୁକେର ୱିଣ୍ଡସରରେ ଥିବା ତାଙ୍କ ଘରୁ ନର୍ଫୋକର ସାଣ୍ଡରିଂହାମ ଇଷ୍ଟେଟକୁ ଚାଲିଯାଇଥିଲେ । ପରେ ତାଙ୍କୁ ରାଜପରିବାରର କାର୍ଯ୍ୟକଳାପରୁ ହଟାଯିବା ସହିତ ରାଜକୁମାର ଉପାଧି ଛଡ଼ାଇ ନିଆଯାଇଥିଲା ।

କ’ଣ ଥିଲା ଏପଷ୍ଟାଇନଙ୍କ ସହ ଆଣ୍ଡ୍ରୁଙ୍କ ସମ୍ପର୍କ

ଆଣ୍ଡ୍ରୁ ହେଉଛନ୍ତି ଭାରତର ଶେଷ ଭାଇସରୟ ଲର୍ଡ ଲୁଇସ୍ ମାଉଣ୍ଟବ୍ୟାଟେନଙ୍କ ପୌତ୍ର ।ବିବିସିର ଏକ ରିପୋର୍ଟ ଅନୁସାରେ, ମାଉଣ୍ଟବ୍ୟାଟେନ-ୱିଣ୍ଡସର 2010 ଏବଂ 2011 ରେ ବାଣିଜ୍ୟ ଦୂତ ଭାବରେ ତାଙ୍କ ସରକାରୀ କାର୍ଯ୍ୟରୁ ଜେଫ୍ରି ଏପଷ୍ଟାଇନଙ୍କ ସହ ଗୋପନୀୟ ସୂଚନା ସେୟାର କରିଥିଲେ ବୋଲି ଆମେରିକା ନ୍ୟାୟ ବିଭାଗ ଦ୍ୱାରା ପ୍ରକାଶିତ ଫାଇଲରୁ ଜଣାପଡିଥିଲା । ଏହି ସୂଚନା ପୂର୍ବତନ ରାଜକୁମାରଙ୍କ ସିଙ୍ଗାପୁର, ହଂକଂ ଏବଂ ଭିଏତନାମ ଗସ୍ତ ଏବଂ ନିବେଶ ସୁଯୋଗର ଗୋପନୀୟ ବିବରଣୀ ସମ୍ବନ୍ଧୀୟ ଥିଲା। ନିକଟରେ ପ୍ରକାଶିତ ଏପଷ୍ଟାଇନ ଫାଇଲର ଇମେଲଗୁଡ଼ିକରୁ ଏହା ଜଣାପଡିଛି ।  ଏହି ସମୟରେ, ଅନେକ ଫଟୋରେ ଆଣ୍ଡ୍ରୁଙ୍କୁ ଏପଷ୍ଟାଇନଙ୍କ ନ୍ୟୁୟର୍କ ସିଟି ମାନ୍ସନରେ ଅଜଣା ମହିଳାଙ୍କ ସହିତ ଆପତ୍ତିଜନକ ସ୍ଥିତିରେ ଦେଖାଯାଇଥିଲା।

FAQ

ପ୍ରଶ୍ନ ୧: ଏପଷ୍ଟାଇନ ମାମଲାରେ ପ୍ରିନ୍ସ ଆଣ୍ଡ୍ରୁଙ୍କୁ ଗିରଫ କରାଯାଇଥିଲା କି?
ୟୁକେ କର୍ତ୍ତୃପକ୍ଷଙ୍କ ଦ୍ୱାରା ଗିରଫଦାରୀର କୌଣସି ସରକାରୀ ନିଶ୍ଚିତକରଣ ପ୍ରକାଶ କରାଯାଇ ନାହିଁ।

ପ୍ରଶ୍ନ ୨: ଏପଷ୍ଟାଇନଙ୍କ ସହ ପ୍ରିନ୍ସ ଆଣ୍ଡ୍ରୁଙ୍କ ସମ୍ପର୍କ କ’ଣ?
ଏପଷ୍ଟାଇନଙ୍କ ନେଟୱାର୍କ ସହିତ ଜଡିତ ସିଭିଲ ଅଭିଯୋଗରେ ତାଙ୍କ ନାମ ସାମ୍ନାକୁ ଆସିଥିଲା।