ବନ୍ୟା ବାହାନାରେ ସହାନୁଭୂତି ସଂଗ୍ରହ କରୁଛି ହାଫିଜ ସଇଦ

ଭାରତର ପଞ୍ଜାବ ସହିତ, ପାକିସ୍ତାନର ପଞ୍ଜାବ ମଧ୍ୟ ବନ୍ୟା ତାଣ୍ଡବର ସାମ୍ନା କରୁଛି। ଗତ ଦୁଇ ସପ୍ତାହ ମଧ୍ୟରେ, ପାକିସ୍ତାନର ପଞ୍ଜାବରେ ବନ୍ୟା ଯୋଗୁଁ ୩୭ ଲକ୍ଷ ଲୋକ ବାସହୀନ ହୋଇଛନ୍ତି, ଯାହା ପରେ ପାକିସ୍ତାନ ସରକାର ଏବଂ ଅନେକ ସଂଗଠନ ଉଦ୍ଧାର ଓ ରିଲିଫ୍ କାର୍ଯ୍ୟ କରୁଛନ୍ତି। ଉଦ୍ଧାର କାର୍ଯ୍ୟ କରୁଥିବା ଲୋକଙ୍କ ମଧ୍ୟରେ ଜମାତ-ଉଦ୍-ଦାୱା ମଧ୍ୟ ଅନ୍ତର୍ଭୁକ୍ତ।

ଜମାତ-ଉଦ୍-ଦାୱା ଏକ ମୌଳବାଦୀ ଇସଲାମିକ୍ ସଂଗଠନ ଯାହାକୁ ଆତଙ୍କୀ ସଂଗଠନ ଲସ୍କର-ଇ-ତୈବାର ଏକ ଶାଖା ବୋଲି ବିବେଚନା କରାଯାଏ। ଏହି ଗୋଷ୍ଠୀକୁ ୨୦୦୮ରେ ମୁମ୍ବାଇ ଆକ୍ରମଣ ପାଇଁ ଦାୟୀ କରାଯାଇଛି। ଏହାର ମୁଖ୍ୟ ହେଉଛି ଭାରତର ୱାଣ୍ଟେଡ୍ ହାଫିଜ ସଇଦ। ସଂଗଠନ କହିଛି ଯେ ଏହାର ୨ ହଜାର ସଦସ୍ୟ ଦେଶର ଉତ୍ତର-ପଶ୍ଚିମ ଏବଂ ପଞ୍ଜାବ ପ୍ରଦେଶରେ ବନ୍ୟା ସହାୟତା ପାଇଁ କାମ କରୁଛନ୍ତି।

ଗୁରୁବାର ଦିନ ପାକିସ୍ତାନ ମରକାଜି ମୁସଲିମ୍ ଲିଗ୍ (PMML), ଯାହାକୁ ସଇଦର ନିଷିଦ୍ଧ ଗୋଷ୍ଠୀଗୁଡ଼ିକର ନୂତନ ଚେହେରା ବୋଲି ବିବେଚନା କରାଯାଏ । ଫୈସଲାବାଦର ଡେପୁଟି କମିଶନର ନଦୀମ ନାସିରଙ୍କୁ ବୁଧବାର ଜିଲ୍ଲାର ବନ୍ୟା ପ୍ରଭାବିତ ଅଞ୍ଚଳ ପରିଦର୍ଶନ କରୁଥିବା ଗୋଷ୍ଠୀର ସଦସ୍ୟମାନଙ୍କ ସହିତ ଏକ ଡଙ୍ଗାରେ ଦେଖାଯାଇଛି।

ପାକିସ୍ତାନ ମୁସଲିମ ଲିଗ୍-ନୱାଜ ନେତୃତ୍ୱାଧୀନ ପ୍ରାଦେଶିକ ସରକାରଙ୍କ ପକ୍ଷରୁ ପିଏମଏମଏଲ ଦଳ ସହିତ ବନ୍ୟା ପ୍ରଭାବିତ ଅଞ୍ଚଳ ଗସ୍ତ ସମ୍ପର୍କରେ କୌଣସି ସରକାରୀ ବିବୃତ୍ତି ଦିଆଯାଇ ନାହିଁ। କିନ୍ତୁ ଅନେକ ବିଶ୍ୱାସ କରନ୍ତି ଯେ ଏହା ମାଧ୍ୟମରେ ହାଫିଜ୍ ସଇଦ ସହାନୁଭୂତି ହାସଲ କରିବାକୁ ଚେଷ୍ଟା କରୁଛନ୍ତି।

ହାଫିଜ୍ ସଇଦ ହେଉଛି ଜାତିସଂଘ ଦ୍ୱାରା ଘୋଷିତ ଜଣେ ଆତଙ୍କବାଦୀ ଯାହାଙ୍କ ଉପରେ ଆମେରିକା ୧୦ ନିୟୁତ ଆମେରିକୀୟ ଡଲାର ପୁରସ୍କାର ରଖିଥିଲା। ଆତଙ୍କବାଦକୁ ପାଣ୍ଠି ଯୋଗାଇବା ମାମଲାରେ ଜୁଲାଇ ୨୦୧୯ରେ ଗିରଫ ହେବା ପରଠାରୁ ସେ ଲାହୋରର କୋଟ ଲଖପତ ଜେଲରେ ବନ୍ଦୀ ଅଛି।

ଅପରେସନ୍ ସିନ୍ଦୁର ଅଧୀନରେ, ଭାରତୀୟ ସେନା ମୁରିଦକେରେ ଲସ୍କର-ଏ-ତୈବା ଘାଟିକୁ ଟାର୍ଗେଟ କରିଥିଲା। ଏହି ଆକ୍ରମଣରେ ତିନି ଜଣ ଜମାତ-ଉଦ୍-ଦାୱା କର୍ମୀଙ୍କ ମୃତ୍ୟୁ ହୋଇଥିଲା ଏବଂ ସେମାନଙ୍କ ଅନ୍ତିମ ସଂସ୍କାରରେ ପାକିସ୍ତାନୀ ସେନା, ପୋଲିସ ଏବଂ ବେସାମରିକ ଅମଲାତନ୍ତ୍ରର ବରିଷ୍ଠ ଅଧିକାରୀମାନେ ଯୋଗ ଦେଇଥିଲେ।