ଜେପିସିକୁ ଗଲା ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀଙ୍କୁ ହଟାଇବା ସମ୍ବନ୍ଧୀୟ ବିଲ୍

ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ ଏବଂ ରାଜ୍ୟ ମନ୍ତ୍ରୀମାନଙ୍କୁ ବିଶେଷ ବହିଷ୍କାର ପ୍ରସ୍ତାବ ସମ୍ବନ୍ଧୀୟ ତିନୋଟି ବିବାଦୀୟ ବିଲ୍ କୁ ବିଜେପି ନେତୃତ୍ୱାଧୀନ ଏନଡିଏ ସରକାର ଏକ ମିଳିତ ସଂସଦୀୟ କମିଟି (ଜେପିସି)କୁ ପଠାଇଦେଇଛନ୍ତି । ଏହିଁ ବିଲ୍ଗୁଡିକ ହେଲା – ସମ୍ବିଧାନ (130ତମ ସଂଶୋଧନ) ବିଲ୍, କେନ୍ଦ୍ର ଶାସିତ ଅଞ୍ଚଳ ସରକାର (ସଂଶୋଧନ) ବିଲ୍, 2025, ଓ ଜମ୍ମୁ ଏବଂ କାଶ୍ମୀର ପୁନର୍ଗଠନ (ସଂଶୋଧନ) ବିଲ୍, 2025 ।
ଯଦି କୌଣସି ମାମଲାରେ, ମୁଖ୍ୟମନ୍ତ୍ରୀ ଏବଂ ରାଜ୍ୟ ମନ୍ତ୍ରୀମାନେ ଅତି କମରେ ପାଞ୍ଚ ବର୍ଷ ଜେଲଦଣ୍ଡ ସହିତ 30 ଦିନରୁ ଅଧିକ ସମୟ ପାଇଁ ଗିରଫହୁଅନ୍ତି, ତେବେ ସେମାନଙ୍କୁ
ସେମାନଙ୍କୁ ବହିଷ୍କାର କରିବାର ପ୍ରସ୍ତାବ ଏହି ବିଲରେ ରହିଛି।
ବୁଧବାର ଲୋକସଭାରେ ଏହି ବିଲକୁ ନେଇ ହଟ୍ଟଗୋଳ ସୃଷ୍ଟି ହୋଇଥିଲା। ବିରୋଧୀ ଦଳ ଏହାକୁ “ଅସାମ୍ବିଧାନିକ” ଏବଂ ସଂସଦୀୟ ଗଣତନ୍ତ୍ର ପାଇଁ ବିପଦ ବୋଲି କହିଥିଲେ।

ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ ଏହି ବିଲ ସମ୍ବନ୍ଧୀୟ ପଦକ୍ଷେପକୁ ଦୁର୍ନୀତି ବିରୋଧୀ ପଦକ୍ଷେପ ଦର୍ଶାଇଥିଲେ ଏବଂ 21 ଲୋକସଭା ସାଂସଦ ଓ 10 ରାଜ୍ୟସଭା ସାଂସଦଙ୍କୁ ନେଇ ଗଠିତ ଜେପିସିକୁ ବିଲ୍ ପଠାଇବା ପାଇଁ ଏକ ସଂକଳ୍ପ ପାରିତ କରିଥିଲେ। କମିଟି ନଭେମ୍ବରରେହେବକୁଥିବା ପରବର୍ତ୍ତୀ ଅଧିବେଶନର ପ୍ରଥମ ସପ୍ତାହ ସୁଦ୍ଧା ଏହାର ରିପୋର୍ଟ ଦାଖଲ କରିବ।

AIMIMର ଅସଦୁଦ୍ଦିନ୍ ଓୱେସି ଏବଂ କଂଗ୍ରେସ ସାଂସଦ ମନୀଷ ତିୱାରୀଙ୍କ ସମେତ ବିରୋଧୀ ନେତାମାନେ ଚେତାବନୀ ଦେଇଛନ୍ତି ଯେ ଏହି ବିଲ୍ “ନିର୍ଦ୍ଦୋଷ ପ୍ରମାଣିତ ନହେବା ପର୍ଯ୍ୟନ୍ତ ନିର୍ଦ୍ଦୋଷ” ନୀତିକୁ ଦୁର୍ବଳ କରେ ଏବଂ ସରକାରକୁ ଅସ୍ଥିର କରିବା ପାଇଁ ରାଜନୈତିକ ଭାବରେ ଏହାର ଅପବ୍ୟବହାର କରାଯାଇପାରେ।

ଅରବିନ୍ଦ କେଜ୍ରିୱାଲ ଏବଂ ହେମନ୍ତ ସୋରେନଙ୍କ ଭଳି ମୁଖ୍ୟମନ୍ତ୍ରୀଙ୍କୁ ସାମ୍ପ୍ରତିକ ଗିରଫଦାରୀକୁ ତଦନ୍ତକାରୀ ସଂସ୍ଥାଗୁଡ଼ିକର ଅପବ୍ୟବହାରର ଉଦାହରଣ ଭାବରେ ଦର୍ଶାଯାଇଥିଲା।

କମିଟି କ’ଣ କରିବ ?

ଏହି ମାମଲାରେ କମିଟିକୁ ପରବର୍ତ୍ତୀ ଅଧିବେଶନର ପ୍ରଥମ ସପ୍ତାହର ଶେଷ ଦିନ ସୁଦ୍ଧା ଗୃହରେ ଏହାର ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦିଆଯାଇଛି। ଏହାଦ୍ୱାରା ବିଲଗୁଡିକ ପ୍ରାୟ ତିନି ମାସ ପାଇଁ ତଳି ଯାଇଛି । ପରବର୍ତ୍ତୀ ଅଧିବେଶନ ନଭେମ୍ବର ତୃତୀୟ ସପ୍ତାହରେ ଡକାଯିବାର ସମ୍ଭାବନା ଅଛି।

କମିଟି ବିଶେଷଜ୍ଞ, ସଂଘ କିମ୍ବା ଯାହାକୁ ଆଗ୍ରହୀ ପକ୍ଷ ବୋଲି ମନେ କରେ ସେମାନଙ୍କୁ ସେମାନଙ୍କ ମତାମତ ବାଣ୍ଟିବା ପାଇଁ ଡାକିପାରିବ। ଲୋକସଭା ଏବଂ ସମସ୍ତ ବିଧାନସଭା ନିର୍ବାଚନକୁ ଏକତ୍ର କରିବା ପାଇଁ ଉଦ୍ଦିଷ୍ଟ ଏନଡିଏ ସରକାରଙ୍କ ‘ଏକ ରାଷ୍ଟ୍ର, ଏକ ନିର୍ବାଚନ’ ପ୍ରସ୍ତାବ ବର୍ତ୍ତମାନ ଜେପିସି ନିକଟରେ ବିଚାରାଧୀନ ରହିଛି । ତେବେ ଏପରି କମିଟିର ସୁପାରିଶଗୁଡ଼ିକ ପରାମର୍ଶ ଆକାରରେ ଗ୍ରହଣ କରାଯାଏ, ତାହା ମାନିବ ସରକାରଙ୍କ ପାଇଁ ବାଧ୍ୟତାମୂଳକ ନୁହେଁ।