ଟ୍ରମ୍ପଙ୍କ ଟାରିଫ ବୋମାର ମହାମୁକାବିଲା ପାଇଁ ମୋଦୀ ସରକାରଙ୍କ ମହାପ୍ରସ୍ତୁତି, ଆସୁଛି GST 2.0 !

ଦେଶରେ ଶସ୍ତା ହେବ ଖାଦ୍ୟ, ପୋଷାକ ଓ ଘରୋଇ ସାମଗ୍ରୀ

ବଢିବ ଘରୋଇ ସାମଗ୍ରୀର ଚାହିଦା, ବଢିବ ସ୍ବଦେଶୀ ଉତ୍ପାଦନ

ଖୁବଶୀଘ୍ର ଦେଶରେ ଶସ୍ତା ହେବ ଖାଦ୍ୟ, ପୋଷାକ ଓ ଘରୋଇ ସାମଗ୍ରୀ!  ଦୈନନ୍ଦିନ ଜିନିଷଗୁଡ଼ିକ ଉପରେ କମିବ ଜିଏସଟି । ଜିଏସଟିରୁ ହଟିବ ଦୁଇଟି ସ୍ଲାବ । କୋହଳ ହେବ 12% ଏବଂ 28% ର ଦୁଇଟି ସ୍ଲାବ । ଖୁବଶୀଘ୍ର କେନ୍ଦ୍ର ସରକାର ଜିଏସଟିରେ ଆଣିବେ ବଡ଼ ପରିବର୍ତ୍ତନ । ଦେଶରେ ଲାଗୁ ହେବ GST 2.0 ! ଟ୍ରମ୍ପଙ୍କ ଟାରିଫ ବୋମାର ମହାମୁକାବିଲା ପାଇଁ ମୋଦୀ ସରକାରଙ୍କ ମହା ପ୍ରସ୍ତୁତି ।

ଅଜ୍ଞା ହଁ ଆପଣ ଠିକ ଶୁଣିଲେ, ବଦଳିବ GST ନିୟମ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଘୋଷଣା ପରେ, GSTରେ ଏକ ବଡ଼ ପରିବର୍ତ୍ତନ ପାଇଁ କେନ୍ଦ୍ର ସରକାରଙ୍କ ପକ୍ଷରୁ ଆରମ୍ଭ ହୋଇଛି ପ୍ରସ୍ତୁତି ।  ଟ୍ରମ୍ପଙ୍କ ଟାରିଫ ବୋମାର ମୁକାବିଲା ପାଇଁ କେନ୍ଦ୍ର ସରକାର କରିଛନ୍ତି GST 2.0 ର ଭୀଷଣ ଯୋଜନା । ଯାହାକି ଟ୍ରମ୍ପ ଟାରିଫ୍ ଉପରେ ମଧ୍ୟ ପକାଇପାରେ ବଡ଼ ପ୍ରଭାବ । GST 2.0 ହଟାଇବ ଟ୍ରମ୍ପ ଟାରିଫ୍  ପ୍ରଭାବ। GST 2.0   ଏହା ଅଧୀନରେ 12% ଏବଂ 28% ର ଦୁଇଟି ସ୍ଲାବକୁ ହଟାଇ  ଅଧିକାଂଶ ଜିନିଷକୁ ନିମ୍ନ ଟିକସ ବର୍ଗରେ ଆଣିବା ପାଇଁ ଚାଲିଛି ଯୋଜନା।

ଏହାର ସିଧାଳସଳଖ ଅର୍ଥ ହେଉଛି ଯେ ଖାଦ୍ୟ, ପୋଷାକ, ଘରୋଇ ସାମଗ୍ରୀ ଭଳି ଦୈନନ୍ଦିନ ଜିନିଷଗୁଡ଼ିକ ଏବେ ଶସ୍ତା ହୋଇପାରିବ। ଏହା ସାଧାରଣ ଲୋକଙ୍କ ପକେଟ ଉପରେ ବୋଝ ହ୍ରାସ କରିବ ଏବଂ ଦେଶରେ ବ୍ୟବହାର ମଧ୍ୟ ବୃଦ୍ଧି ପାଇବ। ସରକାର ସେପ୍ଟେମ୍ବର 2-3 ରେ GST ପରିଷଦର ଏକ ବୈଠକ ଡାକିଛନ୍ତି, ଯେଉଁଥିରେ ଏ ସମ୍ବନ୍ଧରେ ଚୂଡ଼ାନ୍ତ ନିଷ୍ପତ୍ତି ନିଆଯିବ।

ଅର୍ଥନୀତିଜ୍ଞଙ୍କ ଅନୁସାରେ, ଯେତେବେଳେ ଜିନିଷ ଶସ୍ତା ହେବ, ଲୋକମାନେ ଅଧିକ କିଣାକିଣି କରିବେ। ଏହା ବଜାରରେ ଚାହିଦା ବୃଦ୍ଧି କରିବ ଏବଂ ବ୍ୟବସାୟୀଙ୍କ ବିକ୍ରୟ ବୃଦ୍ଧି କରିବ। ଏହା ଏକ ଶୃଙ୍ଖଳିତ ପ୍ରତିକ୍ରିୟା ପରି କାମ କରିବ କାରଣ ସାମଗ୍ରୀ ବିକ୍ରି ହେବ, କାରଖାନା ଅଧିକ ଉତ୍ପାଦନ କରିବ, ନିଯୁକ୍ତି ସୃଷ୍ଟି ହେବ ଏବଂ ଅର୍ଥନୀତି ଗତିଶୀଳ ହେବ। ଅର୍ଥନୀତିଜ୍ଞମାନେ କହିଛନ୍ତି ଯେ GST ହ୍ରାସ ଆମେରିକା ଦ୍ୱାରା ଲାଗୁ ହୋଇଥିବା ଶୁଳ୍କର ପ୍ରଭାବକୁ ହ୍ରାସ କରିପାରିବ, ଅର୍ଥାତ୍ ରପ୍ତାନିରେ ହେଉଥିବା କ୍ଷତି ଘରୋଇ ବଜାରରୁ ପୂରଣ କରାଯାଇପାରିବ।

ଖାଲି ଏତିକି ନୁହେଁ, ବିଶେଷଜ୍ଞଙ୍କ ଅନୁସାରେ, GST ହ୍ରାସ ସିଧାସଳଖ ପ୍ରାୟ 10% ଉପଭୋଗ୍ୟ ସାମଗ୍ରୀର ମୁଦ୍ରାସ୍ଫୀତିକୁ ହ୍ରାସ କରିପାରିବ। ଏହା ସାଧାରଣ ଲୋକଙ୍କୁ ଆଶ୍ୱସ୍ତି ପ୍ରଦାନ କରିବ। ଏହା ବର୍ଷକ ମଧ୍ୟରେ ମୁଦ୍ରାସ୍ଫୀତି ହାରରେ 50-60 ବେସିସ୍ ପଏଣ୍ଟ ହ୍ରାସ ଆଣିପାରେ ବୋଲି ଅର୍ଥନୀତିଜ୍ଞମାନେ ବିଶ୍ୱାସ କରନ୍ତି ।

ଟ୍ରମ୍ପ ପ୍ରଶାସନ ୫୦% ଶୁଳ୍କ ଲାଗୁ କରିବା ଦ୍ବାରା ଭାରତର ରପ୍ତାନି ବ୍ୟାପକ ପ୍ରଭାବିତ ହେବାର ଆଶଙ୍କା ଥିବା ବେଳେ ସାଧାରଣ ଲୋକଙ୍କୁ ଆଶ୍ୱସ୍ତି ଦେବା ପାଇଁ ପ୍ରସ୍ତୁତି ଆରମ୍ଭ କରିଛନ୍ତି କେନ୍ଦ୍ର ସରକାର ।   କିନ୍ତୁ ଗୋଟିଏ ମୁଦ୍ରାର ଦୁଇଟି ପାର୍ଶ୍ବ ଥିବା ଭଳି ଏହି ଯୋଜନାର କିଛି ନକରାତ୍ମକ ଦିଗ ମଧ୍ୟ ରହିଥିମା ବିଶେଷଜ୍ଞମାନେ କହିଛନ୍ତି । ସେମାନଙ୍କ ମତରେ, GST ହ୍ରାସ ଦ୍ବାରା ସରକାରଙ୍କ ଆୟ ହ୍ରାସ ହେବ ଏବଂ ରପ୍ତାନିରେ ହେଉଥିବା ବିଶାଳ କ୍ଷତି କେବଳ GST ହ୍ରାସ ଦ୍ୱାରା ପୂରଣ ହେବ ନାହିଁ। ତେଣୁ, ଏହି ପଦକ୍ଷେପ ଆବଶ୍ୟକ, କିନ୍ତୁ ଏଥିରୁ ବଡ଼ ପରିବର୍ତ୍ତନ ଆଶା କରାଯିବା ଉଚିତ୍ ନୁହେଁ।

କିନ୍ତୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଯେଉଁ ଟାରିଫ ବୋମା ମାଡ଼ କରିଛନ୍ତି ସେଥିରୁ ଦେଶବାସୀଙ୍କୁ ସୁରକ୍ଷା ଦେବାକୁ ସରକାର ଏହି ଯୋଜନା ଉପରେ ତୀବ୍ର ବେଗରେ କାର୍ଯ୍ୟ କରୁଛନ୍ତି ।